2000 წელს, იუგოსლავიის თითქმის შეუმჩნეველ ომში, ბრალდებული ომის კრიმინალი სლობოდან მილოშევიჩი ძალაუფლების შესანარჩუნებლად იბრძოდა. ის გამოწრთობილ არმიას, ძლიერ პოლიციას, და მედიის უმეტესობას აკონტროლებდა. მაგრამ მან სათანადოდ ვერ შეაფასა ოპონენტები, სტუდენტური მოძრაობა Otpor!-ის მეთაურობით, რომელიც რეჟიმს დაცინვით, როკ-მუსიკით და დაპატიმრებისთვის მზაობით შეუტია. მათი სიმამაცე და გამბედაობა ამოტივირებდა სხვებს, რომ შიში დაეძლიათ და ბრძოლას შეერთებულიყვნენ.

Otpor!-ის სტუდენტები შემტევ ძალას წარმოადგენდნენ უფლებადამცველთა და პროდემოკრატიული აქტივისტების არმიაში, რომლებმაც სისტემურად გამოაცალეს მილოშევიჩს პოლიციის და არმიის ერთგულება, და აიძულეს ნაადრევი არჩევნების დანიშნვა. როცა მილოშევიჩმა უარი თქვა დამარცხების აღიარებაზე, ხალხმა საყოველთაო გაფიცვით უპასუხა. ჩვეულებრივი ცხოვრება ბოლომდე გაჩერდა, და ასობით ათასი სერბი 5 ოქტომბერს დედაქალაქისკენ გაეშურა, რომ პარლამენტი დემოკრატიის დრამატული ტრიუმფით აეღოთ. მილოშევიჩი დააკავეს და ჰააგაში გადაიყვანეს, რომ 2001 წლის ივნისში კაცობრიობის წინაშე დანაშაულებისთვის გაესამართლებინათ.