პროექტის მიზანია, ერთ ადგილას მოუყაროს თავი სამოქალაქო საზოგადოებისთვის გამოსადეგ რესურსებს: წიგნებს, სტატიებს, სასარგებლო თეორიებს და ა.შ.
ყურადღება ექცევა ქართულ ენაზე უკვე ნათარგმნ რესურსებს, ასევე დროთა განმავლობაში მეტი რესურსის თარგმნას.
ინფორმაცია დალაგებულია კატეგორიების და იარლიყების (“თეგების”) მიხედვით.
ძირითადი ყურადღება მიმართულია შემდეგ თემებზე:
- ეფექტური სამოქალაქო (მშვიდობიანი) წინააღმდეგობა
- ადამიანის უფლებების დაცვა
- ეკონომიკური განვითარების მოდელები
- საქართველოს ეკონომიკური განვითარების კონკრეტული გეგმები და მათი განხილვა
- გეგმები, განხილვები და დისკუსია ყველა ნახსენებ თემაზე
ასევე:
- დემოკრატიის შენარჩუნება
- თარგმანი
- მოკლე შესავალი
- როგორ ვიყოთ მოქალაქე
- სამოქალაქო წინააღმდეგობა
- საქართველოს კონსტიტუცია
- ყველა სტატია
- წიგნები
- წინააღმდეგობა 2024
მონაწილეობა
პროექტი მოიაზრება, როგორც მთელი საქართველოს სამოქალაქო საზოგადოების საკუთრება, და ემსახურება საქართველოს საზოგადოების მხარდაჭერას და განვითარებას.
შესაბამისად, პროექტს არ ჰყავს კონკრეტული მფლობელი, მხოლოდ ადამიანები, რომლებმაც პროექტს საფუძველი ჩაუყარეს ან მასში მონაწილეობენ და ინარჩუნებენ პასუხისმგებლობას, რომ პროექტის არსებობის ფორმა, მიზანი და ობიექტურობა უცვლელად შენარჩუნდეს.
ღირებულებები
პროექტის უცვლელი ღირებულებებია:
- ადამიანის უფლებების დაცვა
- დისკრიმინაციის ნებისმიერი ფორმის უარყოფა
- სიტყვის და გამოხატვის თავისუფლება
- საქართველოს დამოუკიდებლობაზე და დემოკრატიულ კურსზე ზრუნვა
- დემოკრატიული დისკუსიის შენარჩუნება — დისკუსიის მაგიდასთან ადგილი ეკუთვნის ყველა ადამიანს და ორგანიზაციას (მათი მოსაზრებების მიუხედავად), ვინც არ იმუქრება სხვისი სიტყვის თავისუფლების, ფიზიკური უსაფრთხოების, ან ჩამოთვლილი ღირებულებების ხელყოფით